Sistolik təzyiqin optimal səviyyəsi 120 ilə 130 mmHg arasında, ideal olaraq isə 120 mmHg-dən aşağıdır.

Aztibb.az ecopravda.ru-ya istinadən xəbər verir ki, bu barədə kardioloq Vadim Zəkiyev məlumat yayıb.

Hipertoniyadan əziyyət çəkən bir çox xəstələrdə sistolik təzyiq 130-140 mm Hg aralığında olur və onların həkimləri bunu məqbul hesab edirlər. Bununla belə, 2015-ci il SPRINT araşdırması sistolik qan təzyiqinin normaya və ya aşağıya endirilməsinin hər hansı bir səbəbdən ölmə riskini dörddə bir azalda biləcəyini göstərib. Bu, kardioloqları xəstələrdə optimal qan təzyiqi dəyərlərinə nail olmaq üçün səy göstərməyə təşviq edir.

Lakin müxtəlif hesablamalara görə, dərman qəbul edən hipertoniya xəstələrinin 30-50%-i buna nail olmur. Bunun səbəbi müxtəlif amillər ola bilər, məsələn, dərmanların düzgün istifadə edilməməsi, qeyri-kafi müalicə və ya qan təzyiqinə təsir edən digər xəstəliklərin olması.