Buffalo Universitetinin alimləri sosial medianı bədəndəki iltihabla əlaqələndiriblər.

Aztibb.az lenta.ru-ya istinadən xəbər verir ki, tədqiqatçılar orta yaşı 19 olan 1800 iştirakçının sağlamlıq məlumatlarını araşdırmaya cəlb ediblər.

Könüllülərdən sosial şəbəkələrə nə qədər vaxt ayırdıqları soruşulub. Onlardan həmçinin analiz üçün qan götürülüb və C-reaktiv zülalın (CRP) tərkibinə görə yoxlanılıb. Bu zülal normal olaraq qaraciyər tərəfindən istehsal olunur və bədəndə iltihabın göstəricisidir.

Məlum olub ki, iltihabi prosesləri inkişaf etdirənlər şəbəkədə daha tez-tez yazır və digər istifadəçilərlə ünsiyyət qururlar.

Mütəxəssislər hesab edirlər ki, əgər iltihab sosial əlaqələr üçün motivasiyanı artırırsa, bu, belə şəraitdə olan insanları sosial ehtiyacları ödəmək vasitəsi kimi sosial şəbəkələrə müraciət etməyə sövq edir.

Əslində, deyə bilərik ki, xəstə olanlar instinktiv olaraq kömək və dəstək axtarırlar, buna görə də daha çox başqalarına müraciət edirlər, o cümlədən bunun üçün sosial şəbəkələrdən istifadə edirlər.