Dermatoveneroloq Svetlana Yakovleva hamam, tualet, mətbəx və giriş qapısının insan üçün təhlükəli bakteriya və xəstəliklərin mənbəyinə çevrilə biləcəyini deyib.
Aztibb.az “Veçernyaya Moskva”ya istinadən xəbər verir ki, ekspert vanna otağında ayaqyalın olmamağı tövsiyə edib, çünki göbələk orada yerləşməyi sevir və adətən otağın nəm və işıqsız künclərində görünür.
Onun sözlərinə görə, yaşayış yerinin müxtəlif səthlərində tez-tez əmələ gələn kif həm də əlavə infeksiya mənbəyinə çevrilə bilər. Yad cismlər ağciyərlərə daxil olur, pnevmoniya və ya astmanın inkişafına səbəb olur.
Ekspert davam edib ki, bədənin açıq hissələrinin tualetin kənarı ilə təmasından qaçınmaq lazımdır. Dezinfeksiyaedici maddələrin tərkibində çoxlu allergen olur.
Mətbəxdə qabların yuyulması üçün süngərlər də təhlükəlidir, onlar çoxlu yağ, bakteriya və digər təhlükəli mikroorqanizmləri udurlar.
Həkim hesab edir ki, ön qapının tutacağı da təhlükəlidir, çünki ona tez-tez yuyulmamış əllər toxunur, nəticədə onun səthində bir neçə minə qədər mikrob toplanır.