Bu müxtəlif sağlamlıq saytları sağlamlığı yaxşılaşdırmağa və ciddi xəstəliklərin qarşısını almağa vəd edən əlavələr təklif edir. Bu yaxınlarda köpəkbalığı qaraciyəri yağı populyarlaşdı.

Demək olar ki, hər kəs ən azı arabir balıq yağının sağlamlıq üçün faydalı olduğunu eşidir. Amma adətən nəzərdə tutulan, xüsusi balıqlardan alınan yağdır. Onu əldə etmək üçün siyənək, sardina, skumbriyadan da istifadə olunur. Daha bahalı variantlar qiymətli qırmızı balıq növlərindən olan yağlardır: çəhrayı somon və alabalıq. Lakin köpəkbalığının qaraciyərindən əldə edilən yağ haqqında çox az şey bilirik.

Aztibb.az "Doktor Peter" saytına istinadən xəbər verir ki, bu gün bir çox pəhriz əlavələrinin populyar komponentinə çevrilən bu məhsuldur. Bununla bağlı bir çox sualları dermatoloq Aleksandra Fileva cavablandırıb.

Köpəkbalığı qaraciyəri yağı ilə hazırlanan preparatlar daha düzgün olaraq dərman deyil, pəhriz əlavələri adlanır. Fakt budur ki, onların sübutları kifayət qədər inandırıcı deyil. Çünki köpək balığı qaraciyəri yağının SARS və qripdən sağalmağa təsiri ilə bağlı tədqiqatlar ziddiyyətli nəticələr verib.

Bəzi dəlillər bu əlavənin sağalma prosesini bir qədər sürətləndirdiyini göstərsə də, əksər tədqiqatlar bunu təgzib edib. Köpək balığı qaraciyəri yağı əlavələri effektivliyi sübuta yetirilməyən dərmanlar olduğundan, onların insanlara bir şəkildə kömək etdiyini söyləmək olmaz. Eyni zamanda, köpək balığının qaraciyər yağından olan skvalan kosmetika və dəriyə qulluq məhsullarında da istifadə olunur.