Pankreas xərçəngi bir sıra simptomların monitorinqi ilə tez-tez diaqnoz qoyulduğundan daha erkən aşkar edilə bilər.

Aztibb.az mednovelty.ru-ya istinadən xəbər verir ki, bunu britaniyalı alimlər topladıqları məlumatların təhlili əsasında deyiblər.

Tədqiqatın bir hissəsi olaraq alimlər belə qənaətə gəliblər ki, böyük çəki itkisi və diabetlə əlaqəli olmayan hiperqlikemiya (qan şəkərinin yüksək olması) mədəaltı vəzi xərçənginin inkişafını göstərə bilər.

Bu simptomlar mədəaltı vəzi xərçəngi diaqnozu qoyulmuş xəstələrdə aşkar edilib. Ümumilikdə alimlər bu xəstəliyi olan xəstələrin 9 min kartını, belə xəstəliyi olmayanların isə 34 min kartını təhlil ediblər.

Tədqiqat nəticəsində məlum olub ki, mədəaltı vəzi xərçəngi olan insanlar diaqnoz qoyulmazdan əvvəlki illərdə əhəmiyyətli dərəcədə arıqlayıblar. Pankreas xərçəngi olan insanlarda qlikozid hemoglobin diaqnozdan təxminən üç il əvvəl yüksəlir.

Buna görə də elm adamları bu simptomlara diqqət yetirməyi və əgər varsa, mədəaltı vəzi xərçənginin olub-olmaması üçün skrininq keçirməyi tövsiyə ediblər.