Vibrio vulnificus bakteriyasının təhlükəsi nədir?
Aztibb.az mednovelty.ru-ya istinadən xəbər verir ki, epidemioloq Nikolay Kryuçkov bununla bağlı məlumat verib.
Nyu-York və Konnektikutda Vibrio vulnificus bakteriyasının yaratdığı infeksiyadan ölüm halları yaşanıb. Bu virus dəniz suyunda, çiy və az bişmiş dəniz məhsullarında yaşaya bilər. İnsan bədəninə daxil olduqda, bu bakteriya xoralar, abseslər və digər dəri lezyonlarını təhrik edir.
Həkim xəbərdarlıq edib ki, bu bakteriya təkcə ABŞ-da deyil, Cənubi Koreya, Yaponiya və digər ölkələrdə də yayılıb.
Vibrio vulnificus yağlı dərialtı toxumanın və dərinin özünün iltihabına səbəb olur. Bu zaman irinli selülit inkişaf edir. İnfeksiya toplanır və qan vasitəsilə bütün orqanlara yayılır. Buna görə də dərinin təsirlənmiş sahələrini çıxarmaq lazımdır. Bu edilməzsə, ölüm halı yaşanır. Cərrahiyyə olmadan sağ qalanlar azdır.