ABŞ-ın keçmiş prezidenti Donald Trampa ünvanlı Ağ Evə zəhərli məktub göndərən şübhəli 21 il 10 ay müddətinə azadlıqdan məhrum edilib. Şübhəli cəzasını çəkdikdən sonra ABŞ-dan deportasiya olunacaq. və ABŞ-a qayıtdığı təqdirdə ömürlük nəzarətdə saxlanılacaq.

Aztibb.az trthaber.com-a istinadən xəbər verir ki, 2020-ci ilin sentyabrında ABŞ-ın keçmiş prezidenti Donald Trampın adından Ağ Evə tərkibində zəhərli maddə olan məktub göndərən 56 yaşlı Paskalya Ferrier məhkəmə tərəfindən azadlıqdan məhrum edilib.

P.Ferrier məhkəmədə planının uğursuzluğa düçar olduğu üçün peşman olduğunu və D.Trampı dayandıra bilməyəcəyini bildirərək, özünü terrorçu deyil, fəal kimi gördüyünü bildirib.

Hakim verdiyi açıqlamada onun hərəkətlərinin "potensial ölümcül" və "cəmiyyət üçün zərərli" olduğunu bildirib.

Fransa və Kanadanın ikili vətəndaşı olan P.Ferrier ötən il yanvar ayında həbs olunduqdan sonra Kanadanın Kvebek şəhərindəki evində gənəgərçək lobyasından zəhərli maddə hazırladığını etiraf edərək, ona qarşı irəli sürülən ittihamları etiraf edib. P.Ferrier Trampa göndərdiyi məktubda “Sənə yeni bir ad tapdım: Çirkin Qəddar Kloun” yazıb.