Gözəl dəri, parlaq saçlar və sağlam dırnaqlar... Demək olar ki, hər kəs bu xüsusiyyətlərə sahib olmaq istəyir. Bütün bunlara gənc yaşda sahib ola bilsəniz də, yaşlandıqca problemlər yarana bilər. Bu dəfə baxım məhsullarından qida əlavələrinə qədər bir çox variant ortaya çıxır. Xüsusilə son illər bu cür məhsullara maraq artmaqdadır.
Aztibb.az trthaber.com-a istinadən xəbər verir ki, yaşlanma və ətraf mühit şəraitinin təsiri ilə bədən dəri, saç və hətta dırnaqların ehtiyac duyduğu vitamin və mineralları həmişə təmin edə bilmir.
Belə hallarda dəstək qaçılmazdır. Ancaq dəstək məhsulları ehtiyaca uyğun və dozada, ən əsası isə mütəxəssis nəzarəti altında istifadə edilməlidir.
Professor İlkin Zindancı bədənimizin dəri, saç və dırnaqlar üçün hansı vitamin və minerallara ehtiyac duyduğunu bildirib.
“Biotin və keratini çox lazımlı olduğundan saç tökülməsi, dırnaq qırılması kimi şikayətlər olduqda onu tövsiyə edirik. Çünki biotin çatışmazlığında saç tökülməsini və dırnaqların qırılmasını görə bilərik. Güclü keratin dərini möhkəm saxlamağa kömək edir. Tərkibində sistin və lizin kimi bir çox amin turşusu var. Güclü keratin quruluşu üçün B12, biotin, C vitamini, niasin, fol turşusu, selenium, mis kimi bir sıra vitamin və minerallar lazımdır. Bu dayaqların hamısının ayrı vəzifəsi var... Bunlardan birinin olmaması keratinin quruluşunu zəiflətdiyi üçün saç, dırnaq və dərinin zəifləməsi baş verər”, - deyə professor vurğulayıb.