Alzheimer yaddaşı zəiflədən ən əhəmiyyətli xəstəliklərdən biridir. Xəstəliklə bağlı yeni dərmanlar xəstələr və onların yaxınları tərəfindən ümidlə izlənirlir.
Aztibb.az “The Journal Of The American Medical”a istinadən xəbər verir ki, xəstəliyə qarşı yeni hazırlanmış dərman tibb aləmində səs-küy yaradıb. Müəyyən edilib ki, dərman 18 ayda xəstəliyin gedişatını 30-40 faiz ləngidir.
Yeni hazırlanmış “Donanemab” dərmanı xəstələrin və onların yaxınlarının ümidini artırıb.
60-85 yaş arası 1736 insan üzərində aparılan araşdırmaya görə, yeni dərman xəstəliyin əlamətlərini 30 faiz ləngidir. Dərman Alzheimer xəstələrinin beyinlərində əmələ gələn "Beta Amiloid" adlı yapışqan maddəni təmizləmək üçün hazırlanıb və xəstəliyin ilkin mərhələsində istifadə olunur.
Dərmanın çox erkən diaqnozda faydalı olduğunu vurğulanıb və gələn il bazara çıxacağı gözlənilir.
