Tez-tez görülən əzələ-skelet ağrıları insanların həyat keyfiyyətinə mənfi təsir edir. Sümük-əzələ ağrılarının səbəbi xəstənin yaşına, cinsinə, keçmiş və indiki xüsusiyyətlərinə görə dəyişə bilər.

Aztibb.az trthaber.com-a istinadən xəbər verir ki, bunu şərh edən professor Figen Ayhan onurğa ağrısının bir çox sahəni əhatə etdiyinə diqqət çəkərək fiziki təbabət və reabilitasiya, neyrocərrahiyyə, ortopediya, alqologiya və revmatologiya mütəxəssislərinin bu ağrıları birlikdə qiymətləndirdiyini bildirib.

Ofis işçilərinin adətən uzun müddətli kompüter istifadəsi səbəbiylə boyun və bel ağrıları ilə onlara müraciət etdiklərini deyən həkim boyun yırtığı ilə bağlı boyun ağrısı şikayətlərinin də görüldüyünü ifadə edib.

Bel ağrılarının ən çox görülən onurğa ağrıları arasında olduğunu və uzun müddət oturan fiziki işçilərdə və idarəçilərdə tez-tez rast gəlindiyini bildirən professor bel ağrısının iş qüvvəsini itirən səbəblər arasında olduğunu qeyd edib və bel ağrısının disk yırtığı, travma, infeksiya, xərçəng və revmatizm kimi hallarda da görüldüyünü, bu hallarda qabaqcıl görüntüləmə və laboratoriya testlərinin tətbiq edilməsi lazım olduğunu xəbərdar edib.

"Mexanik diz ağrıları, xüsusilə gənclərdə və idmançılarda oynaq içi menisküs və ya ön çarpaz bağ kimi strukturlardan qaynaqlanır. Çiyin ağrısı, gündəlik praktikamızda gördüyümüz oynaq ağrılarının ikinci ən çox görülən səbəbidir. Xüsusilə oynaqlarda gördüyümüz vətər yırtıqları. İdman salonlarında həddindən artıq yüklənmə və diabet çiyin ağrılarının əhəmiyyətli səbəbləridir", - deyə professor vurğulayıb.