Cinsi əlaqədə prezervativlər yalnız arzuolunmaz hamiləlikdən deyil, həm də cinsi yolla keçən xəstəliklərdən qorunmaq üçün lazımdır. Bununla belə, bir çox insanlar bariyer kontrasepsiyaya məhəl qoymur, onun digər növlərinə müraciət edirlər.

Aztibb.az live24.ru-ya istinadən xəbər verir ki, dermatoveneroloq Roman İvanov bildirdiyinə görə, əslində, məlum kontrasepsiya növlərindən heç biri cinsi xəstəliklərdən və ya hamiləlikdən yüz faiz qorunmağa zəmanət verə bilməz. O, bəzi cinsi yolla ötürülən infeksiyalara qarşı prezervativin tamamilə gücsüz ola biləcəyinə aydınlıq gətirib.

Ən sadə qayda odur ki, eyni kontraseptiv iki dəfə istifadə edilə bilməz. İnfeksion agenti ehtiva edə bilən cinsiyyət orqanları və bədən mayeləri ilə birbaşa təması istisna etmək üçün cinsi əlaqənin ən əvvəlində prezervativ taxmaq tövsiyə olunur.

Həkim prezervativi dəbilqə ilə müqayisə edib. O, həm də bədənin yalnız bir hissəsini qoruyur, lakin hər şeydən deyil. Veneroloq hətta prezervativlə də herpes və HPV-yə yoluxma riski barədə xəbərdarlıq edib.