Günə sağlam başlamaq üçün bəzi vərdişlərə yiyələnmək tövsiyə edilir.

Aztibb.az xəbər verir ki, həkim-endokrinoloq Fərhad Burzu bildirib ki, hər şey erkən oyanmaqdan başlayır: "İşə gecikməmək və sağlamlığına vaxt ayıra bilmək üçün hər zamankındən daha tez oyanmaq lazımdır".

Həkim digər vərdişləri də sadalayıb:

- Səhər ac qarına su iç;
- 10 dəqiqə yüngül idman hərəkətləri et;
- Sağlam səhər yeməyi ye (bol zülal+bol lif);
- Oturaq işin varsa hər 1-2 saatda 10-15 dəqiqəlik ayağa qalx və gəz;
- Kompüterin başında çayla, qəhvəylə birgə sağlam atışdırmalıqlar hazırla (şəkərsiz meyvə qurusu, çərəzlər);
- Nahar fasiləsini ötürmə və naharda mütləq yeməyə çiy tərəvəzlərlə başla;
- Evə qayıdanda, çalış ən az 30 dəqiqə təmiz havada piyada gəzəsən.