Koenzim Q10 (CoQ10) bütün canlı orqanizmlərdə sintez olunan, yaş və ətraf mühit faktorlarının təsiri ilə miqdarı azalan vitaminəbənzər maddədir.

Aztibb.az xəbər verir ki, həkim-endokrinoloq Fərhad Burzu bildirib ki, CoQ10 hüceyrə mitoxondrisində rast gəlinir və hüceyrənin enerji balansının təmin olunmasında rol oynayır. CoQ10 antioksidant və antiinflamatuar təsirlərə malikdir. CoQ10 orqanizmdə ən çox ürək, böyrək və qaraciyər kimi yüksək metobolizm sürətinə malik orqanlarda rast gəlinir.

Eendokrinoloq CoQ10-nun 4 formasını - ubixinon, ubixinol, hidroksikoenzim Q10, super ubixinolun olduğunu deyib.

Həkim CoQ10 orqanizmdə azalma səbəbləri də sadalayıb:

- Yaş;
- Ürək-damar xəstəlikləri;
- Revmatoloji xəstəliklər;
- Şəkərli diabet;
- Alzheimer;
- Parkinson;
- Statin istifadəsi;
- Alkoqol və siqaret istifadəsi.

Ekspert Koenzim Q çatışmazlığı zamanı aşağıdakı simptomlara rast gəlindiyini bildirib:

- Xroniki yorğunluq;
- Oynaq və əzələ ağrıları;
- Miqren ağrıları;
- Yaddaşsızlıq;
- Depressiya.

CoQ10 qida yolu ilə qırmızı ət, qaraciyər, balıq, yumurta, lobya, mərcimək, gül kələm, ispanaq, portağal və çiyələkdən əldə edilə bilər.