Endokardit ürək qapaqlarının, ürək və damarların içərisində yerləşən endotel təbəqənin infeksiyasıdır.

Aztibb.az xəbər verir ki, kardioloq İlqar Tahiroğlunun izahına görə, necə ki, hər hansı bir orqanımızda (ağız boşluğu, boğaz, bağırsaqlar) infeksion proses olduqda insanın qızdırması qalxır, eyni bu xəstəlikdə də insanda ilk olaraq qızdırma əlaməti görünür.

Həkim qeyd edib ki, qızdırma çox zaman titrəmə ilə növbələşir və ilk dövrdə adi virus infeksiyası ilə dəyişik salına bilər.

"Bu zaman xəstəlik yanaşı müxtəlif şikayətlər verə bilər. Oynaq ağrıları, ürəkbulanma, bəzən qusma, tənəffüsün çətinləşməsi. Bu xəstələrin bir qədər gecikmiş dövründə oynaqlarda düyünlər yaranmağa başlayır, bunlara Ossler düyünləri deyilir və əksəriyyət halda əllərin üzərində aydın nəzərə çarpır", - deyə kardioloq vurğulayıb.

Bu zaman vaskulyar problemlər yəni damarlarla bağlı problemlər çox nəzərə çarpır, bu da müxtəlif ləkələr şəklində özünü biruzə verir.