Vaginal göbələk əmələ gəlməsinin ən çox görülən və ən mühüm əlaməti vaginada qaşınmadır, gecələr şiddətlənərək artan qaşıntı istinin təsiri ilə daha da intensivləşir.

Aztibb.az xəbər verir ki, mama-ginekoloq Fəxrəndə Rəsulovanın sözlərinə görə, xəstələrin bir çoxunda genital bölgələrdə yanmalar olur: "Adətən, sidik əsnasında sidiyin dəydiyi hissələrdə şiddətli yanmalar yaranır. Vaginal kandidozda hər zaman axıntı olmaz, əgər axıntı varsa bu axıntının rəngi ağ və görünüşü kəsmiy və ya pendir kimi kiçik dənəciklər şəklindədir".

Həkim göbələk infeksiyasını aktivləşdirən səbəbləri sadalayıb:

- İmmun sistemin zəifləməsi;
- Hamiləlik;
- Sintetik iç geyimləri;
- Antibiotik istifadəsi;
- Kombinə olunmuş oral kontrasepsiya;
- Yad maddələr ( tampon, vaginal parfum, bez.. );
- Vaginal duş;
- QİDS;
- Sıx cinsi əlaqə və s.