Qəhvə içənlərin dişləri bu məşhur içkini sevməyənlərə nisbətən daha sağlam olur.

Aztibb.az "Podmoskovye seqodnya" nəşrinə istinadən xəbər verir ki, bu məlumatı Amerika Qəhvə Keyfiyyəti İnstitutunun təlimatçısı Polina Vladimirova paylaşıb.

“Diş çürüməsi ilə mübarizənin bu üsulu bütün qəhvə növləri ilə işləmir. Bu üstünlük süd, şəkər və digər dadlandırıcılar əlavə edilmədən yalnız qara qəhvəyə aiddir", - deyə P.Vladimirova müsahibəsində vurğulayıb.

Mütəxəssis əlavə edib ki, saf qəhvənin tərkibində bakteriyaları öldürən antioksidanlar olan polifenollar var.

“Şirin şərbət əlavə edilən içkini sevənlər diş çürüməsinin qarşısını ala bilməyəcəklər. Həddindən artıq qəhvə istehlakının diş minasının keyfiyyətinə mənfi təsir göstərə biləcəyini də xatırlamaq lazımdır”, - həmsöhbət bildirib.

Bununla belə, ekspertin fikrincə, hərdən bir fincan qəhvə ilə özünü əyləndirənlər xüsusilə qorxmamalıdırlar - qəhvə turşularının mənfi təsirlərini hiss etmək üçün bu içkini böyük miqdarda istehlak etməli olacaqsınız.