Harvard Universitetinin professoru Avi Loeb UFO tədqiqatları ilə məşğuldur. O, müsahibəsində yerdən kənar kəşfiyyat imkanları ilə bağlı fikirlərini bildirib.

Aztibb.az “Fox News”a istinadən xəbər verir ki, professor yadplanetli qonaqların planetimizdə çoxdan məskunlaşmasını mümkün hesab edir. Bu sivilizasiya onu yaradanın özü ilə güc baxımından bərabər edən texnologiyanın zirvəsinə çatıb.

Fizik bir sıra arqumentlər gətirib, xüsusən, Sakit Okeanın dibində tapılan, gücünə görə bütün yer materiallarından üstün olan metalı xatırladıb. Professor əmindir ki, bu, meteorit parçası deyil, yüksək ehtimalla yüksək inkişaf etmiş sivilizasiyanın süni şəkildə yaratdığı materialdır.

Amma prinsipcə, inkişaf baxımından bizdən nəzərəçarpacaq dərəcədə yüksək olan bir çox sivilizasiyaların mövcud olma ehtimalı var. Alim kvant mexanikasını və cazibə qüvvəsini birləşdirə bilən zehnin laboratoriya şəraitində kainatın cücərtisini yarada biləcəyi fikrini irəli sürüb.

Professor bir nümunə çəkib: “Əgər bir mağara sakini hansısa yolla müasir Nyu Yorku ziyarət edə bilsəydi, ətrafı möcüzə, insanları isə belə möcüzələr göstərməyə qadir olan tanrılar kimi qəbul edərdi. Eyni şəkildə, biz, çox güman ki, yüksək inkişaf etmiş bir sivilizasiyaya xas olan super texnoloji biliyi dərk etməyəcəyik. Ona görə də onların bizimlə nə isə danışması sadəcə olaraq məntiqli deyil.