Ankara Universitetinin professoru Murat Sönmezer yumurtalıq toxumasının dondurulması və transplantasiyasının xərçəng və ya bəzi xərçəng olmayan xəstəliklərdə fertilliyi qorumaq üçün istifadə edilən bir üsul olduğunu və yalnız inkişaf etmiş mərkəzlərdə həyata keçirildiyini bildirib.
Aztibb.az trthaber.com-a istinadən xəbər verir ki, bu üsulla indiyə qədər məhdud sayda uğurlu hamiləlik əldə edildiyini vurğulayan professor hələTürkiyədə ilk dəfə 2004-cü ildə bu üsula başlanıldığını deyib.
Həkim bu üsulun yumurta və ya embrion dondurulmasından fərqli olduğunu izah edib: "Bu üsul kimyaterapiya və ya kök hüceyrə müalicəsindən əvvəl yumurtalıqların dondurularaq əridilməsi və sonra yenidən xəstəyə köçürülməsi ilə həyata keçirilir. Xüsusilə yüksək dozada kimyaterapiya alan xərçəng xəstələrində yumurtalıq ehtiyatları kimyaterapiyaya görə məhv olur. Yəni bu xəstələr menopauza keçir və uşaq sahibi olmaq şansını itirir.
Bu üsulla kimyaterapiya və ya radioterapiyadan əvvəl xəstələrin yumurtalıq toxuması alınaraq dondurulur. Uşaq sahibi olmaq istədikləri zaman həmin şəxsə məxsus donmuş yumurtalıq əridilir və laparoskopik əməliyyatla xəstəyə köçürülür. Xəstənin menopozu qayıdır. Bu mərhələdən sonra xəstə təbii yolla və ya in vitro mayalanma yolu ilə hamilə qala bilər.