Psixiatr-narkoloq Vitali Holdin hamilə qadınların nə üçün bir qurtum belə spirtli içki qəbul etməməli olduğunu izah edib.

Aztibb.az news.ru-ya istinadən yazır ki, ekspert hamiləliyin ilkin mərhələlərində yumurtanın xarici faktorlardan son dərəcə asılı olduğunu bildirib. Onun sözlərinə görə, gələcək ana spirtli içki qəbul etməyə başlasa, uşağı öldürə bilər. Alkoqol səbəbiylə uterusun tonu artır və bu, uşağı düşməyə səbəb ola bilər.

Bundan əlavə, spirt inkişaf mərhələsində bir körpədə zehni və fiziki anormallıqlara səbəb ola bilər.

"Hamilə qadın bir qurtum belə alkoqol qəbul etməməlidir, çünki çox kiçik bir dozada spirt belə hamiləliyin gedişatına və uşağa təsir edə bilər", - deyə V.Holdin xəbərdarlıq edib. O əlavə edib ki, hamilə qadınlar üçün spirtin təhlükəsiz dozası yoxdur. Onun sözlərinə görə, bu məsələ tibb ictimaiyyətində dəfələrlə müzakirə olunub və həkimlər yekdil rəyə gəliblər ki, hamilə qadınlara spirtli içki qəbul etmək qəti qadağandır.