Həkim və teleaparıcı Yelena Malışeva qaçınılması lazım olan ölümcül pəhrizlər haqqında vacib məlumatları paylaşıb.

Aztibb.az xəbər evrir ki, həkim Rusiyanın Birinci Kanalda gedən “Sağlam yaşa!” verilişində bəzi məşhur arıqlama üsulları ilə əlaqəli risklərə qarşı xəbərdarlıq edib.

Y.Malışevanın bəhs etdiyi pəhrizlərdən biri qlütensiz pəhrizdir. Həkim vurğulayıb ki, son araşdırmalar bu pəhrizin xərçəngə tutulma riskinin artması ilə mümkün əlaqəsini göstərir. Bu, qeyd edilən pəhrizin təhlükəsizliyini və effektivliyini şübhə altına alır.

Digər məşhur pəhrizə, keto pəhrizə toxunan ekspert qeyd edib ki, o, əvvəlcə epilepsiyadan əziyyət çəkən uşaqlar üçün hazırlansa da, ondan arıqlamaq üçün istifadə etmək təhlükəli ola bilər.

Məhdud karbohidrat qəbulu və artıq yağ ateroskleroz və yüksək xolesterola səbəb ola bilər və hətta xərçəngin inkişafına kömək edə bilər.

Həkim potensial dietoloqları ayıq olmağa və pəhriz seçməklə bağlı riskləri qiymətləndirməyə çağırıb.