Polşada arxeoloqlar alimlərin marağına səbəb olan 17-ci əsrə aid balaca uşağın heyrətamiz dəfnini aşkar ediblər. Penh kəndində cəsədi qeyri-adi vəziyyətdə qoyulmuş və ayağında asma qıfıl olan beş-yeddi yaşlı uşağın qəbri tapılıb.

Aztibb.az "Daily Mail"ə istinadən xəbər verir ki, erkən yaşda dünyasını dəyişən uşaq üzü aşağı basdırılıb. Lakin dəfnin ən qəribə elementi mərhumun ayağına bərkidilmiş qıfıl olub.

Arxeoloji ekspedisiyanın üzvü, professor Dariuş Polinski bu barədə fikirlərini bölüşüb. O qeyd edib ki, bu praktika, ola bilsin, xalq inancları və fövqəltəbii təbiət hadisələri, o cümlədən vampirlər haqqında təsəvvürlərlə əlaqələndirilir.

Professorun sözlərinə görə, o dövrün ideyalarına əsasən, uşaq yenidən dirilməsin deyə üzü aşağı basdırılıb. Vampirlərə qarşı bu cür təcrübələr o dövrdə geniş yayılıbmış.