Yaşlandıqca maddələr mübadiləsi yavaşlayır və xroniki xəstəliklər çoxalır, buna görə də pəhrizinizə diqqət yetirmək xüsusilə vacibdir.

Aztibb.az xəbər verir ki, diyetoloq Yevgeni Arzamastsev “Moskva 24” telekanalına müsahibəsində 60 yaşdan yuxarı insanların imtina etməli olduğu məhsul kateqoriyasından bəhs edib.

"Ən zərərli qidalar faydalı elementləri olmayan, lakin tərkibində çoxlu kalorilər, karbohidratlar, yağlar (o cümlədən trans yağlar) və duz olan qidalardır. Bu xüsusiyyətlər fast food bənzəri qidalardadır. Belə qidaların istehlakı ilə qocaların həzm orqanlarına və ürəyinə həddindən artıq yük düşür və onlara heç bir fayda vermir", - diyetoloq bildirib.

Ekspert qeyd edib ki, trans yağlar xüsusilə təhlükəlidir. Onlar aşağı sıxlıqlı lipoproteinlərin, yəni pis xolesterinin səviyyəsini artırır. Bundan əlavə, hüceyrə divarlarına zərər verə bilən aktiv molekullar olduğu üçün hüceyrə komponentlərinə mənfi təsir göstərir.

Qeyd etmək lazımdır ki, bədən qocalıqda artıq bu zərərli molekullarla effektiv mübarizə apara biləcək qədər çox antioksidan istehsal etmir.