Dermatoloq və klinik mikoloq Valeriya Sklyarova su hövzələrində çimərkən hansı infeksiyalara tutula biləcəyinizi izah edib.

Aztibb.az ecopravda.ru-ya istinadən xəbər verir ki, su hövzələrində üzgüçülük, ekspertin fikrincə, insan üçün ciddi sağlamlıq problemləri ilə nəticələnə bilər.

Həkim xəbərdarlıq edib ki, təmizlənməmiş su hövzələrində çoxlu bakteriya və patogenlər yaşayır. O qeyd edib ki, çaylarda, gölməçələrdə və göllərdə çimdikdən sonra təhlükəli Pseudomonas aeruginosa, bağırsaq infeksiyası, göbələk və ya rəngli liken riski yaşana bilər.

İnsan dərisi ilə təmasda olan bakteriyalar ciddi zərər verə bilər: "Piogen kokklar kimi bakteriyaların təsiri nəticəsində dərinin irinli zədələnməsi inkişaf edə bilər", - deyə həkimin vurğulayıb. Dermatoloq qeyd edib ki, suyun yaxınlığında yaşayan həşəratlar və ya gəmiricilər də iltihabın səbəbi ola bilər.