Diyetoloq Mariya Kapralova bir çox üstünlükləri olan və arıqlamağa kömək edən üç yağlı qidadan bəhs edib.

Aztibb.az gazeta.ru-ya istinadən yazır ki, bu məhsullara avokado, qoz-fındıq və təmizlənməmiş yağlar daxildir.

"Avokado orqanizmdən toksinlərin çıxarılmasına kömək edən və qanda xolesterinin səviyyəsini aşağı salan ən güclü antioksidantlardan biridir. Bundan əlavə, avokadonun orqanizmə xərçəng hüceyrələri ilə mübarizə apardığı sübut olunub", - deyə M.Kapralova bildirib.

Arıqlamaq istəyənlərin qida rasionuna avokado ilə yanaşı, bitki yağları da daxil edilməlidir. Bu kətan, xardal, badam, küncüt, günəbaxan, qoz və qara zirə yağları ola bilər.

Həkim bildirib ki, bitki yağları damarların elastikliyini artırır, bütün orqan və sistemlərin fəaliyyətinə müsbət təsir edir, immuniteti və mədə-bağırsaq traktının fəaliyyətini yaxşılaşdırır.

Bu yağları həm təmiz formada, həm gündə bir xörək qaşığı miqdarında istehlak etmək, həm də salatlara əlavə etməklə yemək olar.

Həmçinin, lipid mübadiləsinin normallaşması səbəbindən arıqlamağa kömək edən qoz-fındıq haqqında da unutmaq olmaz. Qoz-fındıq Alzheimer və diabetin də qarşısını alır.