İsrail sakini Roni Erez unikal elmi təcrübə zamanı alimlərə cinsi əlaqə olmadan orqazm əldə etməyə imkan verən “dalğa texnikasını” açıq şəkildə nümayiş etdirib.

Aztibb.az xəbər verir ki, “Ynet” nəşrinin məlumatına görə, qadın uşaqlıq yolunun çıxarılması əməliyyatından sonra ənənəvi seksə alternativ axtarmağa məcbur olub. Özü də uzun axtarışlar nəticəsində, ilk növbədə, düşüncə və təxəyyül gücü ilə cinsi partnyor olmadan məmnuniyyət əldə etmək qabiliyyətini qazanıb. Sonra minlərlə qadına öz fəndlərini öyrədib.

Roni Erez özünü "orgazm təlimatçısı" adlandırıb. Bir çox ciddi alimlərin onun açıqlamalarına şübhə ilə yanaşması başa düşüləndir. Lakin bir mütəxəssis israilli qadının reklam etdiyi texnikanı laboratoriyada sınaqdan keçirmək üçün qərar verir.

Çexiya Çarlz Universitetinin professoru Jim Fause insan beyni fəaliyyəti ilə cinsi sağlamlıq arasındakı əlaqəni uzun müddətdir öyrənlərdən biridir. O, R.Erezlə günün müxtəlif vaxtlarında orqazm əldə etməsi istənilən bir təcrübə keçirir.

Təcrübə zamanı mümkün simulyasiyanı kəsmək üçün subyektin qanında prolaktin səviyyəsinin laboratoriya ölçüləri aparılır. Məlum olur ki, orqazma xas olan bu göstərici həqiqətən də xeyli artıb.