"Qorxmuşam, dodağım uçuqlayıb", “Mənə soyuq dəyəndə dodağım uçuqlayır”. Yəqin ki, bu sözləri tez-tez ətrafınızdakı insanlardan eşidirsiniz.
Aztibb.az N1 Laboratoriyasının məlumatına istinadən xəbər verir ki, müxtəlif səbəblər gətirdiyimiz dodaq uçuqlaması isə əslində herpesin əlamətidir. Birinci və ikinci tip virusların ümumiləşmiş adı “adi herpes virusudur”, belə ki, onlar bir-birilərinə xarakterik olan nahiyələri zədələyə bilir.
Herpes silex virusu- daha çox herpes kimi tanınan bu virus, iki növə bölünür: Herpes tip 1 (HSV-1 və ya oral herpes) və Herpes tip 2 (HSV-2 və ya genital herpes).
HSV-1 zamanı yaralar daha çox ağız ətrafında və dodaqlarda, HSV-2 ilə yoluxma zamanı, yaralar adətən genital və anal nahiyədə olur. Dodaqda yaranmış herpes yayılaraq ağız boşluğunun selikli qişasını da iltihablandıra bilər (stomatit). Buna çox vaxt uşaqlarda rast gəlinir. Herpetik stomatitin herpetik anginaya keçməsi də mümkündür. Yenidoğulmuş körpələrdə virusla gözlərin və hətta baş beynin zədələnməsi rast gəlinən hallardandır (herpetik meningit).
Herpesin diaqnostikası aşağıdakı laborator müayinələrlə aparılır:
-Seroloji metodlar,
-PZR (virusun genetik materialının aşkarlanması).