Böyrək sağlamlığı bizim üçün xüsusi diqqət mərkəzində olmalıdır. Böyrəklər orqanizmdə detoksifikasiya kimi mühüm funksiyaları yerinə yetirir.

Aztibb.az “MedikForum”a istinadən xəbər verir ki, mütəxəssislər gündə ən azı 1,5-2 litr maye qəbulu ilə yanaşı, həddindən artıq kalium, natrium və fosfatdan da çəkinmək lazım olduğunu bildirirlər.

Böyrəklərin parçalanmış toksinləri xaric edə bilməsi üçün kifayət qədər miqdarda maye lazımdır. Buna görə gündə ən azı 1,5-2 litr içmək lazımdır.

Bundan əlavə,100 mililitr təzə sıxılmış limon suyu böyrəklər üçün faydalıdır. Tərkibindəki sitratların böyrək daşlarının əmələ gəlməsinin qarşısını aldığı deyilir.

Hər gün bir alma yeyin.Tərkibində olan pektin maddəsi xolesterini aşağı salaraq və qanda şəkərin səviyyəsini tənzimləyərək böyrək funksiyasını dəstəkləyir.

Duz və zülal az olan pəhrizə və təzə məhsullara üstünlük verin. Zülal qəbulunu hər kiloqram bədən çəkisi üçün 0,6-1 qrama qədər məhdudlaşdırın. Yüksək bioloji dəyəri olan bitki zülallarına daha çox diqqət yetirin.