Diyetoloq Buket Ertaş Səfər yay aylarında tərləmə və su itkisi ilə maye ehtiyacının artdığını bildirib.

Aztibb.az medimagazin.com.tr-yə istinadən xəbər verir ki, diyetoloqun sözlərinə görə, bütün bədən hüceyrələrinin düzgün işləməsi üçün müəyyən nisbətdə suya sahib olması lazımdır.

"Zəiflik, yorğunluq, oynaqlarda ağrı, baş ağrısı, qəbizlik, hətta izah edilə bilməyən yemək istəyi susuzluğun mənbəyi ola bilər. Təbii ki, isti günlərdə susuzluğumuzu bol su və mineral su ilə yatırmalıyıq. Ancaq mövcud suyu qorumaq və hətta ona qatqı təmin etmək üçün düzgün qidaları seçmək çox vacibdir", - diyetoloq qeyd edib.

Bədənin maye itkisini sürətləndirəcək kofeinli içkilərin istehlakının azaldılması lazım olduğunu vurğulayan Buket Ertaş Sefer sidikqovucu olaraq təyin edilən içkilərin azaldılmalı olduğunu deyib. Əks halda bədəndən sidik çıxışını artırır.

Bu şəkildə maye istehlak edildiyi düşünülsə də, əslində maye itkisinə səbəb olur. Bununla belə, digər vacib məsələ fiziki fəaliyyətdir. Fiziki fəaliyyət zamanı tənəffüsün sürətlənməsi ilə su itkisi artacaq. Bu səbəbdən xüsusilə idman günlərində su və mineral su sərfinə çox yaxşı nəzarət etmək lazımdır.