Qatığın kalsiumun əsas mənbəyi olduğu bilinir, lakin çoxumuz onun faydalarından xəbərsizik.
Aztibb.az ensonhaber.com-a istinadən xəbər verir ki, diyetoloq Şükrü Can Gülşen gündə qatıq istehlak etməyin faydalarını açıqlayıb.
"1 kasa qatıqda orta hesabla 122.00 kalori var. Qatığın tərkibində karbohidratlar, zülallar, yağlar, natrium, kalium, kalsium, A vitamini, C vitamini, dəmir və probiyotik dediyimiz faydalı bakteriyalar var.Tərkibində qatıq bakteriyaları və süd komponentləri kimi faydalı olan metabolik məhsullara çevrilən bütün komponentlər var. Qatıq istehsalında qıcqırma nəticəsində ortaya çıxan faydalı bakteriyalar bağırsaq mikrobiotasını düzəldərək bağırsaqların işini sürətləndirir və yoğun bağırsaqda əmələ gələn zəhərli maddələri udaraq xaric olmasını təmin edir", - deyə diyetoloq bildirib.
Qeyd edib ki, hər yaşda istehlak edilməsi lazım olan qatıq uşaqlarda böyümə və inkişaf, diş inkişafı və boy artımı üçün xeyirlidir. Yeniyetmə və orta yaşlı fərdlərdə əzələ inkişafı və daxili orqanların təmizlənməsində çox təsirlidir.
Qatıq qan şəkərini azaldaraq şəkər xəstəliyinin qarşısını alır. Bir qabda təxminən 120 kalori olan qatıq aşağı kalorili qidalar arasındadır. Orqanizm üçün lazım olan bütün qidaları ehtiva etdiyi üçün diyetlərinizdə də tez-tez istifadə edə bilərsiniz.