Doğuşlardadan sonra bəzi insanlarda bir neçə həftə davam edə bilən depressiya olur. ABŞ-nin Qida və Dərman İdarəsi (FDA) doğuşdan sonrakı depressiyanın müalicəsində istifadə olunacaq dərman üçün lisenziyanı təsdiqləyib.

Aztibb.az sondakika.com-a istinadən xəbər verir ki, istehsalçı şirkətlər 4 və 6 həftəlik dövrlərdə edilən psixiatrik testlərdə dərmanı istifadə edən xəstələrdə yaxşılaşmanın müşahidə edildiyini, bəzi xəstələrdə ilk həftədə depressiya əlamətlərinin azaldığını qeyd ediblər.

Qiyməti hələ açıqlanmayan dərmanın 14 gün ərzində gündə bir dəfə qəbul edilməsi məsləhət görülür.

FDA açıqlayıb ki, həb formatı ilə müalicənin daha təsirli olacağına ümid edirlər və müalicənin doğum sonrası depressiyadan sağalmış qadınlara dəstək olacağına inanırlar.