Başgicəllənməsi, anidən bayılma, ara sıra huşun alaqaranlıqlaşması əlamətləri ürəyin elektrik sisteminin daha bir xəstəliyi sayılan xəstə sinus sindromunda da olur.
Aztibb.az xəbər verir ki, kardioloq İlqar Tahiroğlunun sözlərinə görə, sinus düyünü ürəyimizin impuls çıxaran ən əhəmiyyətli üzvüdür. Bəzi xəstəliklərdə bu düyündə zəiflik yaranır. İmpuls ifraz etmə qabiliyyəti pozulur və ürəkdayanmaya qədər gətirib çıxara bilir.
"Bu xəstəliyə əsas diaqnoz anamnez, yəni xəstənin danışdığı bayılma şəkli, daha sonra isə elektrokardioqramma və 24 saatlıq holter müayinəsi vasitəsi ilə qoyulur. Tam diaqnoz təyin edildikdən sonra xəstəyə cihaz implantasiyası (DDDR pacemaker) təklif edilir. İmplantasiya dərinin altına yerləşdirilir, telləri ürəyin içərisinə yeridilir, təqribən 8-10 ilə yaxın ömrü olur və bu müddətdən sonra sadəcə batareyası dəyişdirlirlir. Xəstənin ömrü boyu nəbzinin normal və effektiv olmasına zəmin yaradır", - deyə həkim vurğulayıb.