Sink bütün canlı orqanizmlər üçün çox vacib mikroelementdir.
Aztibb.az xəbər verir ki, pediatr Kənan Qarayevin bildirdiyinə görə, sink hər şeydən əvvəl, bədəndəki bütün hüceyrələrin böyüməsi və çoxalması üçün əvəzsiz elementdir. Məhz buna görə də deyə bilərik ki, sürətlə yenilənən hüceyrələr, sümüklər, bağırsaqlar, saçlar və dərilər ilk təsirlənən immunitet sistemidir.
Həkim qeyd edib ki, aşağıdakı hallarda ağlımıza gələn ilk səbəblərdən biri də sink çatışmazlığıdır. Bu hallarda mütləq pediatra müraciət etməlidir.
- İnkişaf geriliyi olan uşaqlarda,
- İştahı olmayan uşaqlarda,
- Tez-tez xəstələnən uşaqlarda,
- Uzun sürən ishalda
- Təkrarlanan və sağalmayan yaralarda,
- Tez-tez təkrarlanan ağız yaralarında,
- Dırnaq pozğunluğunda,
- Saç tökülməsində
Pediatr hansı sinkin yüksək olduğu qidaları da sadalayıb. Qırmızı ət, balıq, hinduşka əti, paxlalılar, pendir, qatıq, yumurta, brokoli, brüssel kələmi sinklə zəngin qidalardır.
