Xora xəstəliyi mədə və onikibarmaq bağırsağın ən çox rast gəlinən xəstəliyidir.

Aztibb.az xəbər verir ki, "Medika Hospital"dan verilən məlumata görə, ahıl və qoca yaşlarda olan pasientlər, xüsusilə qadınlarda mədə xorası, cavan və orta yaşlılarla müqayisədə 2 dəfə çoxdur. Kişilərdə isə daha çox onikibarmaq bağırsaq xorası meydana çıxır.

Xora - mədə və onikibarmaq bağırsaq divarının selikli qişadan başlayan dərin qüsurudur. Bir çox mütəxəssislər bu xəstəliyi mədə şirəsinin aqressiv təsiri nəticəsində (ilk növbədə HCl turşusu və pepsin nəticəsində) meydana çıxdığını bildirirlər. Xoranın ölçüləri 0.2 sm-dən 2-3 sm-ə qədər, dərinliyi isə orqan divarının tam enliyində ola bilər.

Qeyd olunur koi, son dövrlərdə xəstəliyin əsas yaranma səbəbi kimi aşağıdakılar göstərilir:

- Mədənin hipersekretor funksiyası (HCl turşusunun normadan artıq ifrazı)

- Helicobacter pylori (H.P.) bakteriyası

- Davamlı və ya uzunmüddətli qeyri-steroid iltihab əleyhinə preparatların qəbulu (aspirin, ibuprofen və s.)