Qastroenteroloq Sergey Vyalov xəbərdarlıq edib ki, doyumlu yeməkdən dərhal sonra üzməklə məşğul olsanız, bu, ciddi sağlamlıq problemlərinə və hətta ölümə səbəb ola bilər.
Aztibb.az "İzvestiya"ya istinadla xəbər verir ki, həkimin sözlərinə görə, yeməkdən dərhal sonra mədə-bağırsaq traktının orqanlarının ətrafında qan axını artır. Üzgüçülük zamanı arxa əzələlər, qarın əzələləri və qabırğaarası əzələlər aktiv şəkildə istifadə olunur ki, bu da onlara qanın aktiv axması deməkdir.
"Yeməkdən dərhal sonra üzməyə getsəniz, bu, əzələlərin oksigen və qida maddələri ilə zəif təmin olunacağına gətirib çıxaracaq. Bundan əlavə, diafraqmanın və qabırğaarası əzələlərin tam mədə ilə işləməsi mədə yanması və gəyirməyə səbəb ola bilər", - ekspert izah edib.
Hər halda, yeməkdən sonra bədənə yeməyi həzm etmək üçün vaxt vermək lazımdır, bu, yalnız üzgüçülük üçün deyil, həm də məşq üçün də aiddir. Yeməyin miqdarından və növündən asılı olaraq orta hesabla yarım saatdan iki saata qədər vaxt lazımdır.