Səhər yeməyinin yalnız dadlı deyil, həm də sağlam olması üçün düzgün məhsul seçmək lazımdır.

Aztibb.az “İzvestiya” qəzetinə istinadən xəbər verir ki, terapevt və diyetoloq Yelena Tixomirova sözlərinə görə, ideal seçim yumurtadır, onların tərkibində asanlıqla həzm olunan zülallar, yağlar və faydalı mikroelementlər var: "Onlara təzə tərəvəz və bir dilim çörək əlavə etmək lazımdır. İki və ya üç qaynadılmış yumurta, salat, təzə tərəvəz, bir az çörək və yaxşı səhər yeməyi alırsınız, bu da sizə güc verəcək, həm də sizi lazımi vitamin və liflə təmin edəcəkdir".

Həmçinin, sağlam səhər yeməyi meyvə ilə kəsmikdir. Bu məhsulların birləşməsi tam süd zülalı, düzgün süd yağı, həmçinin sağlamlıq üçün lazım olan vitamin və minerallarla zəngindir. Dənli bitkiləri də unutmayın, onlar xüsusilə aktiv həyat tərzi keçirənlər üçün faydalıdır.

"İdeal birləşmələr südlü qarabaşaq yarması sıyığı və ya süd yaxud su ilə yulafdır. Sıyığa qoz-fındıq da əlavə edə bilərsiniz", - Yelena Tixomirova bildirib.