Əsas risk faktorlarını bilmək və həkimin tövsiyələrinə əməl etmək hipertoniyanın inkişafını 10-30 il gecikdirməyə kömək edəcək.
Aztibb.az pravda.ru-ya istinadən xəbər verir ki, bu fikri terapevt, kardioloq Tatyana Romanenko bildirib. Onun sözlərinə görə, müxtəlif insanlarda bədən artan təzyiqə fərqli reaksiya verəcək və bəzilərində ümumiyyətlə heç bir əlamət olmaya bilər. Əslində bu, böyük problemdir.
Həkim vurğulayıb ki, insanlar hipertoniyadan xəbərsiz olduqda infarkt, insult, böyrək və ya göz zədələnməsi kimi təhlükəli fəsadlar yaranacaq. Eyni zamanda, lazımi tədbirlər vaxtında görülsə, hipertoniyanın inkişafını ləngidmək mümkündür.
Kardioloq qeyd edib ki, hipertoniya üçün əsas risk faktorları artıq çəki, idmanın etməmək, stress, siqaret, duza meyllilik və spirt istehlakıdır. Əgər siz müntəzəm olaraq bədən tərbiyəsi ilə məşğul olsanız, pəhrizə əməl etsəniz, pis vərdişlərdən qurtulasanız, o zaman hipertoniyanın inkişafı 10-30 il gecikə bilər.