Həkimlər, tibb bacıları və mamalar çox zaman doğuşdan dərhal sonra, "dəri təması" adlanan təcrübəni tövsiyə edirlər.

Aztibb.az Ümumdünya Ana Südü ilə Qidalandırma Həftəsində UNİCEF-in saytına istinadən xəbər verir ki, bu təcrübə "ana kenquru qayğısı" adlanır.

Körpəni öz dərinizlə birbaşa təmasa gətirmək çox mühüm bir təcrübədir və onların döşü tapmasına və ona yapışmasına kömək edir. Bunu doğuşdan sonrakı bir saat ərzində və daha sonra tez-tez təkrarlaya bilsəniz, bu, ana südü ilə qidalandırmanı formalaşdırmağa kömək edəcəkdir. Ana bunu edə bilməsə, həyat yoldaşı və ya başqa bir ailə üzvü kömək edə bilər.