Şəkərli diabet xəstələri şokolad və marmelad yeyə bilər.
Diabetes mellitus bədəndə karbohidrat mübadiləsinin pozulmasına səbəb olan xroniki bir xəstəlikdir, buna görə xəstələr pəhriz məhdudiyyətlərinə riayət etməyə məcbur olurlar.
Aztibb.az xəbər verir ki, endokrinoloq Lada Fedina life.ru portalına verdiyi müsahibədə bildirib ki, şəkərli diabet zamanı pəhriz zülalların, yağların və karbohidratların miqdarı normalarına uyğun olaraq düzgün tərtib edilməlidir.
O, əlavə edib ki, qanda qlükozada kəskin sıçrayış çoxlu karbohidratları olan un məhsulları və şirniyyatların istifadəsi ilə təhrik edilir. Fruktoza və ya şəkər əvəzediciləri ilə zəngin qidalar problemi həll etmir. Amma heç də şirniyyatdan imtina etmək dəyməz.
Mütəxəssis qanda qlükoza səviyyəsini tədricən artıran aşağı glisemik indeksli qidalara üstünlük verməyi tövsiyə edib: "Siz tünd şokolad, zefir, və marmelad yeyə bilərsiniz. Ekspert belə qənaətə gəlib ki, bu şirniyyatlar ölçülü şəkildə istehlak edilərsə, qanda qlükoza səviyyəsinə ciddi təsir göstərməyəcək".