Diyetoloq Marina Makişa bildirib ki, yay mövsümündə ən təhlükəli hesab edilən, tez xarab olan qidalardan imtina etmək lazımdır.

Aztibb.az actualnews.org-a istinadən xəbər verir ki, ekspertin sözlərinə görə, isti günlərdə ən təhlükəlisi süd məhsullarıdır.

Qeyd edib ki, bu müddət ərzində xama, kolbasa, yumurta, mayonezdən ibarət soyuq qəlyanaltılar və salatlarla ehtiyatlı olmalısınız. İstənilən yarımfabrikat da zərərli ola bilər, çünki çox vaxt məhsulların saxlanması şərtlərinə əməl etmirlər.

Diyetoloq küçə yeməklərindən də imtina etməyi məsləhət görüb. Əlavə edib ki, yayda şəkərli qazlı içkilərdən də uzaq olmaq məsləhətdir. Çünki orqanizmin su balansını bərpa etmir.