Avstraliyanın Sidney Universitetinin alimləri müəyyən ediblər ki, gündəlik 4-5 dəqiqəlik aktiv fəaliyyət bəzi xərçəng növlərinin riskini 32% azalda bilər.

Aztibb.az "JAMA Oncology" jurnalında bununla bağlı dərc olunan yazıya diqət çəkib.

Məlumata görə, müşahidə xarakteri daşıyan araşdırmada 22 mindən çox insan iştirak edib. Onlar gündəlik fəaliyyəti izləmək üçün cihazlar taxıblar və xüsusi bədən tərbiyəsi ilə məşğul olmayıblar.

Təcrübədən sonra məlum olub ki, gündəlik tapşırıqlar zamanı dörd-beş dəqiqəlik güclü fiziki fəaliyyət xərçəngin ümumi riskini 18% azaldır.

Britaniyalı tədqiqatçılar bunu uzunömürlülük üçün sadə bir məşq adlandırıblar. Mütəxəssislər aydınlaşdırıblar ki, fəaliyyətin təsiri insulinə həssaslığın yaxşılaşması və xroniki iltihabın səviyyəsinin azalması ilə bağlıdır.