Yeməklərə cazibədar bir dad versə də, onun həddindən artıq istehlakı ilə müəyyən sağlamlıq risklərinin olduğu görünür. Kardioloq Regis Fernandez duzun orqanizmə necə təsir etməsindən danışıb.

Aztibb.az mednovelty.ru-ya istinadən xəbər verir ki, həkimin sözlərinə görə, vurğulanmalı əsas cəhətlərdən biri də duzun qan təzyiqinin artması ilə əlaqəsidir. Nəticədə ürək-damar xəstəliklərinin inkişaf ehtimalı artır.

Kardioloq gündə bir çay qaşığı duzun belə hipertoniya xəstələri üçün çox ola biləcəyini bildirib və bu miqdarı yarıya endirməyi tövsiyə edib.

Qidaların tərkibindəki duza da diqqət yetirmək lazımdır. Adətən daha çox işlənmiş qidalarda, restoran yeməklərində, souslarda olur. Ona görə də kardioloq evdə yemək bişirməyi, təbii məhsullardan istifadəyə diqqət etməyi və mağazalarda etiketləri oxumağı məsləhət görür.