Balıq, dəniz məhsulları, qoz, kətan yağı kimi omeqa-3 yağ turşuları yüksək olan qidalar diyetə müntəzəm olaraq daxil edildikdə eşitmə itkisi riskini azaldır.

Aztibb.az xəbər verir ki, bu barədə “Health” jurnalı Amerika Qidalanma Cəmiyyətinin NUTRITION 2023 konfransında təqdim olunan  araşdırmaya istinadən yazır.

Tədqiqatın müəllifləri Böyük Britaniyanın Biobankında qeydiyyatdan keçmiş 40-69 yaş arası 100 mindən çox britaniyalının məlumatlarını təhlil ediblər. Məlum olub ki, qanda yüksək DHA (omeqa-3 sinfinə aid olan dokosaheksaenoik turşusu) olan insanlar eşitmə problemlərinin 16%, səs-küylü yerlərdə başqasının nitqini başa düşməkdə çətinlik çəkdiklərini isə 11% daha az olduğunu etiraf ediblər. 

Tədqiqat həmçinin DHA səviyyəsi yüksək olan orta yaşlı və yaşlı insanların qismən eşitmə itkisindən şikayətlənmə ehtimalının 8-20% daha az olduğunu müəyyən edib.