Qızların eyni anda bir neçə işə diqqətini vermək məcburiyyətində olduqda pilləkənlərdən yıxılma ehtimalı oğlanlara nisbətən iki dəfə çoxdur.

Aztibb.az "PLOS One" jurnalında dərc olunan maraqlı məqaləyə diqqət çəkib. Qeyd olunan ehtimal barədə Purdue Universitetinin (ABŞ) alimlərinin araşdırmasında bildirilir.

Belə ki, elm adamlarının universitet tələbələrinin pilləkənlərlə enib qalxmasını müşahidə etdikləri araşdırma zamanı məlum olub ki, 20 yaşlı qadınlar kişilərə nisbətən 80% daha çox yıxılır.

Bu boşluğun səbəblərini təhlil edən məqalə müəllifləri belə qənaətə gəliblər ki, buna bir neçə amil təsir edir. Məsələn, qızlar məhəccərlərdən tez-tez istifadə etmirlər, əlləri ciblərində olur, narahat ayaqqabı geyinirlər, başları söhbətə qarışır, yaxud smartfonlardan istifadə edirlər.

Həmçinin məlum olub ki, kişilərin pilləkənləri atlayan vaxt ətrafa baxmaq meyli qadınlarla müqayisədə daha az olduğundan, yıxılma ehtimalı da az olur.