Adi siqaret istehlakçıları digər tütün məmulatlarının, xüsusən də elektron siqaretlərin istehlakçılarına nisbətən daha çox vərdiş formalaşdırırlar.

Aztibb.az xəbər verir ki, Mount Sinay Tibb Məktəbinin (ABŞ) alimlərinin araşdırmasının nəticələri “Nicotine & Tobacco Research” jurnalında dərc olunub.

Belə ki, tədqiqatçılar 3463 yetkin yaşlı amerikalının məlumatlarını tütün istifadəçilərinin üç qrupuna bölməzdən əvvəl öyrəniblər: siqaret çəkənlər (62-68%); klassik, elektron siqaret və siqar çəkənlər (24-31%); və nəhayət, tüstüsüz nikotinin çatdırılma üsullarına üstünlük verənlər (7-9%).

Təhlil göstərib ki, tütünə ən çox aludə olanlar klassik siqaret istehlakçılarıdır. Öz növbəsində, vərdiş poli-istehlakçılar və siqaretsiz məhsulların istehlakçıları arasında o qədər də güclü deyildi.

Tədqiqatın müəllifləri vurğulayırlar ki, nəticələr siqaretdən imtina proqramlarının, o cümlədən hələ də daha zərərli siqaret çəkmə üsuluna keçməmiş insanlar arasında profilaktik dayandırmanın vacibliyini açıq şəkildə göstərir.