Zeytun yağı bəzi dadlandırıcılara əla alternativdir. Alimlər deyirlər ki, bu məhsulu mümkün qədər tez-tez yeməyə başlasanız, nəticə sizi təəccübləndirəcək.

Aztibb.az cnnturk.com-a istinadən xəbər verir ki, pəhrizlərini izləyən insanların çoxu pəhrizlərinə zeytun yağını daxil etməyə çalışır. Onu salatlara, qəlyanaltılara əlavə etmək olar, bəziləri isə qızartma üçün istifadə etməyi üstün tutur.

Başqa bir seçim isə zeytun yağını müstəqil bir məhsul kimi yeməkdir. Hər halda, gündəlik menyunuzda zeytun yağı varsa, bu, yalnız orqanizmə fayda verəcəkdir.

Belə ki, bir qrup amerikalı alim zeytun yağının beyin sağlamlığı üçün son dərəcə faydalı olduğu qənaətinə gəlib. Bu məhsuldan yarım xörək qaşığından bir qədər çoxunu gündəlik pəhrizinizə əlavə etmək demansdan ölmə riskinizi 28% azalda bilər.

“Tədqiqatımız mütəxəssislərin bitki yağları, xüsusən də zeytun yağı yeməyi tövsiyə etdiyi pəhriz tövsiyələrini gücləndirib. Bu, beynin daha yaxşı işləməsinə və onu müxtəlif patologiyalardan qorumağa kömək edəcək”, - deyə Harvard İctimai Sağlamlıq Məktəbinin tədqiqatçısı Anne Julie Tessier bildirib.