Süd vəzi vərəmi birincili və ikincili olmaqla iki qrupa bölünür.
Aztibb.az xəbər verir ki, mammoloq-onkoloq Cəlil Bağırovun bununla bağlı izahına görə, birincili vərəmdə xəstəlik süd vəzinin özündə yaranır. Yəni, birinci ocaq süd vəzinin özüdür. Xəstəlik vərəm basilləri tərəfindən törədilir.
Ağciyərdə vərəm olarsa, orqanizmdə müalicəyə qarşı rezistentlik yaranarsa, o zaman xəstəlik süd vəzinə keçmiş olur. Bu, süd vəzinin ikincili vərəmi adlanır.
Süd vəzi vərəminin əlamətləri əvvəlcədən hiss olunmur. Ancaq erkən əlamətləri mövcuddur.
- Pasiyentlərdə arıqlama
- İştahasızlıq
- Süd vəzində ödəm
- Dəri qalınlaşması
- Ağrılı düyünlərin olması
Daha sonralar isə süd vəzində qaşınma, yara, irin, dəri qopması və ifrazat gəlməsi kimi əlamətlər müşahidə olunur. Bunlar gecikmiş əlamətlər hesab edilir.
