İdman zədələri sırasında əsas yeri diz oynagi zədələri tutur. Daha çox rast gəlinən ön çarpaz bağ və menisk zədələri zamanı artroskopik cərrahiyyə üsulundan istifadə olunur.

Aztibb.az xəbər verir ki, Əməkdar həkim Elviz Qasımovun sözlərinə görə, dizdə ön çarpaz bağ zədələnməsi daha çox fəal idmanla məşğul olan idmançılarda baş verir ki, bu da daha çox qəfil hərəkətin istiqamətini dəyişən zaman meydana çıxır. Məsələn futbol və ya böyük tennis zamanı. Əgər sizdə zədəyə qarşı meyllilik varsa, bunu trenajor zalında məşğul olan zamanda zədələmək mümkündür. 

"Çiyin oynağı anatomik olaraq mürəkkəb oynaqdır. Bu oynağı əmələ gətirən bazu və kürək sümüklərinin oynaq səthləri bir birini tam əhatə etmir. Ama bu oynağın hərəkət qabiliyyəti digər oynaqlardan daha çoxdur. Bunu təmin edən və oynağın stabilliyini qoruyan əzələ və vətərlərdir", - deyə həkim bildirib.

Qeyd edib ki, rotator qılıf çiyin oynağının müxtəlif istiqamətlərdə dönməsini və qaldırılmasını təmin edir ki, o da dört vətərdən - supraspinatus, infraspinatus, subskapularis və teres minordan ibarətdir.