Mədə balonu müalicəsi artıq çəkidən azad olmaq üçün tətbiq edilir. Amma bu zaman əks göstəriş olan bəzi nüanslar mövcuddur:

Aztibb.az xəbər verir ki, "Medika Hospital"dan verilən məlumata görə, 18 yaşı olmayan şəxslərə, çəkisini atmaqda qərarlı olmayan insanlara, psixoloji, mental durumu normal olmayan şəxslərə mədə balonu əks göstəriş sayılır.

Son bir il ərzində mədə, yaxud da laparoskopik hər hansısa bir əməliyyatı keçirən şəxslərə, hamiləlik və laktasiya dövründə olan qadınlara, mədə qanaxması, xorası, iltihabi mədə xəstəlikləri və yaxud qaraciyər sirrozuna bağlı olaraq qida borusunda, mədəsində varikozları olan şəxslərə, udqunma çətinliyi olan insanlara mədə balonu yerləşdirilməsi də əks göstərişdir.

Sağlamlığınızla bağlı bütün problemləri peşəkar həkimlərə həvalə edin.