Qanda yüksək xolesterol səviyyəsi damarlarda lövhə meydana gəlməsinə səbəb olur ki, bu da ürək-damar sistemi ilə bağlı problemlərə yol açır və ürəyin işinə mənfi təsir göstərir. Buna görə onun səviyyəsini izləmək və "pis" xolesterolu bədəndən çıxara biləcək düzgün qidaları seçmək vacibdir.

Aztibb.az "MedikForum"a istinadən xəbər verir ki, kardioloq Oleq Varfolomeyevin sözlərinə görə, bunlara antioksidantlar və flavonoidlərlə zəngin olan yüksək kakaolu tünd şokolad daxildir.

Mütəxəssis həmçinin orqanizmi təmizləyən məhsullara yulaf, arpa, qəhvəyi düyü, taxıl çörəyi, alma, portağal, üzüm, çiyələk və qaragilə aid edib. Onların hamısı ürək sağlamlığını dəstəkləyən lif və qidalarla zəngindir.

Həmçinin həkim omeqa-3 yağ turşuları ilə zəngin qızılbalıq, skumbriya, sardina və alabalığı orqanizm üçün faydalı hesab edir.