Yapon alimləri müəyyən ediblər ki, yaşlı insanlarda sosial təcrid beyin həcminin azalmasına səbəb ola bilər.

Aztibb.az trthaber.com-a istinadən xəbər verir ki, Yaponiyanın Kyushu Universitetinin tədqiqatçıları 65 və daha yuxarı yaşda olan 8896 nəfərin MRT görüntülərini araşdırıblar.

Sosial əlaqənin olmaması əvvəllər dəfələrlə demansla əlaqələndirilib.Tədqiqatda iştirak edən könüllülərdən onlarla yaşamayan qohumları və dostları ilə görüşmək və ya telefonla danışmaq kimi tez-tez ünsiyyət qurduqları soruşulub.Ən aşağı səviyyədə sosial təmasda olan insanlar, ən çox sosial təmasda olanlarla müqayisədə əhəmiyyətli dərəcədə kiçik beyin həcminə sahib idilər.

Kəllə daxilində ağ və boz maddənin cəminə nisbətdə ümumi beyin həcmi ən aşağı təmas qrupunda 67,3 faiz, ən yüksək təmas qrupunda isə 67,8 faiz təşkil edib. Onlar həmçinin yaddaşda rol oynayan və hipokampus və amigdala kimi demensiya ilə əlaqəli olan beyin bölgələrində daha aşağı beyin həcminə sahib idilər.